Pala

പാലാ: ജില്ലാ കോൺഗ്രസ് കമ്മിറ്റി (DCC) പ്രസിഡൻ്റും ഏറ്റുമാനൂർ MLAയുമായ നാട്ടകം സുരേഷിനെതിരെ കോൺഗ്രസ് പുറത്താക്കിയ പാലാ നഗരസഭ കൗൺസിലർ ബിജു മാത്യൂസ് നടത്തുന്ന അപകീർത്തികരമായ പ്രസ്ഥാവനയിലും ഭീഷണിയിലും പാലാ നഗരസഭ UDF പാർലമെൻ്ററി പാർട്ടി യോഗം ശക്തമായ പ്രതിഷേധം രേഖപ്പെടുത്തി. വിദ്യാർഥി പ്രസ്ഥാനത്തിലൂടെ, യുവജനപ്രസ്ഥാനത്തിലൂടെ വളർന്ന് വന്ന് കോൺഗ്രസ് നേതൃനിരയിലും നിയമസഭയിലും എത്തിയ നാട്ടകം സുരേഷിനെ ഭീഷണിപ്പെടുത്താനും ഒറ്റപ്പെടുത്താനും വെറും കൗൺസിലറായ ബിജു മാത്യൂസ് ഇനിയും ശ്രമിച്ചാൽ അതിന് ബിജു മറുപിടി പറയേണ്ടി വരും. CPM…

പാലാ: പാലാ നഗരസഭയുടെ പുതിയ ചെയർപേഴ്സണായി വിമത-ഇടതുമുന്നണി കൂട്ടായ്മയുടെ സ്ഥാനാർഥി മായാ രാഹുൽ തെരഞ്ഞെടുക്കപ്പെട്ടു. ഇന്ന് രാവിലെ നടന്ന തെരഞ്ഞെടുപ്പിൽ യു.ഡി.എഫ് സ്ഥാനാർഥി റിയ ചീരാംകുഴിയെ പരാജയപ്പെടുത്തിയാണ് മായാ രാഹുൽ നഗരസഭയുടെ അധ്യക്ഷ സ്ഥാനത്തെത്തിയത്. മായാ രാഹുലിന് 16 വോട്ടും റിയ ചീരാംകുഴിക്ക് 10 വോട്ടും ലഭിച്ചു. മായാ രാഹുലിന് ലഭിച്ച 16 വോട്ടിൽ കേരള കോൺഗ്രസ് (എം) വിഭാഗത്തിന് 10 വോട്ടും സി.പി.എമ്മിന് 2 വോട്ടും വിമത കോൺഗ്രസ് കൗൺസിലർമാരുടെ 4 വോട്ടും ഉൾപ്പെടുന്നു. പാലാ…

പാലാ: വിവിധ സാഹചര്യങ്ങളിൽ കേരളത്തിലെത്തിപ്പെട്ട് ബന്ധുക്കളിൽ നിന്നും കുടുംബാംഗങ്ങളിൽ നിന്നും അകന്നുകഴിഞ്ഞിരുന്ന രണ്ട് പേരെ ആവശ്യമായ ഇടപെടലുകൾ നടത്തി മരിയാസദനം സ്വദേശത്തേക്ക് തിരിച്ചയച്ചു. ഡൽഹി സ്വദേശിയായ ആർ. എസ്. രാഘവൻ (ശ്രീനിവാസ്) (60) ആണ് സ്വദേശമായ ഡൽഹിയിലേക്ക് മടങ്ങിയത്. ജന്മസ്ഥലം തമിഴ്നാടാണെങ്കിലും വർഷങ്ങളായി ഡൽഹിയിലാണ് താമസിച്ചിരുന്നത്. കുടുംബപരമായും സാമൂഹികമായും ഉണ്ടായ സാഹചര്യങ്ങളെ തുടർന്ന് ഒറ്റപ്പെട്ട നിലയിലായിരുന്ന രാഘവൻ ജോലി സംബന്ധമായ ആവശ്യങ്ങൾക്കായി വിവിധ സ്ഥലങ്ങളിൽ സഞ്ചരിച്ചിരുന്നു. തുടർന്ന് പാലാ അരുണാപുരം പ്രദേശത്ത് അലഞ്ഞുതിരിഞ്ഞ നിലയിൽ കണ്ടെത്തിയതിനെ തുടർന്ന്…

രാമപുരം: സംസ്ഥാനത്തിന്റെ ഔദ്യോഗിക നാമം എല്ലാ ഭാഷകളിലും “കേരളം” എന്നാക്കി മാറ്റുന്ന ബില്ലിന് രാഷ്ട്രപതി ദ്രൗപദി മുർമു അംഗീകാരം നൽകിയതിന്റെ സന്തോഷാഘോഷമായി രാമപുരം മാർ അഗസ്തീനോസ് കോളേജിൽ വിദ്യാർത്ഥികളുടെ നേതൃത്വത്തിൽ വ്യത്യസ്തമായ ആദരവ് സംഘടിപ്പിച്ചു. കോളേജ് നടുമുറ്റത്ത് 250 ഓളം വിദ്യാർത്ഥികൾ അണിനിരന്ന് “കേരളം” എന്ന വാക്ക് രൂപപ്പെടുത്തി. മലയാള ഭാഷയോടും കേരളത്തിന്റെ സാംസ്കാരിക പൈതൃകത്തോടുമുള്ള ആദരവും അഭിമാനവും ഐക്യബോധവും ഉയർത്തിക്കാട്ടുന്ന ഈ ദൃശ്യം ഏറെ ശ്രദ്ധേയമായി. ഡ്രോൺ ക്യാമറയിൽ പകർത്തിയ ദൃശ്യങ്ങൾ കേരളത്തോടുള്ള വിദ്യാർത്ഥികളുടെ സ്നേഹവും…

പാലാ: സംസ്ഥാന കൃഷി വകുപ്പ് കളമശ്ശേരി ആശിഷ് കൺവെൻഷൻ സെന്ററിൽ വച്ച് സംഘടിപ്പിച്ച സംസ്ഥാന തല കർഷക ദിനാഘോഷത്തിൽ വെച്ച് ഭക്ഷ്യ സ്വയം പര്യാപ്തതയുടെ കാവൽക്കാരായ കർഷകർക്കും കർഷക തൊഴിലാളികൾക്കും കാർഷിക സംരംഭകർക്കുമുള്ള അവാർഡുകളുടെ വിതരണോദ്ഘാടനം മുഖ്യമന്ത്രി വി.ഡി.സതീശൻ വിതരണം ചെയ്തു. കൃഷിവകുപ്പ് മന്ത്രി ടി. സിദ്ദിഖ് ചടങ്ങിൽ അധ്യക്ഷത വഹിച്ചു. കേരളത്തിലെ ഏറ്റവും മികച്ച ഫാർമർ പ്രൊഡ്യൂസർ ഓർഗനൈസേഷനും കമ്പനിയുമായ പാലാ സാൻതോം ഫാർമർ പ്രൊഡ്യൂസർ കമ്പനിയുടെ പ്രൊമോട്ടിങ്ങ് ഏജൻസിയായ പാലാ സോഷ്യൽ വെൽഫെയർ സൊസൈറ്റിയുടെ…

പാലാ: പാലാ നഗരസഭ ചെയർപേഴ്സൺ തിരഞ്ഞെടുപ്പുമായി ബന്ധപ്പെട്ട് യു.ഡി.എഫ് ഇന്ന് വാർത്താസമ്മേളനം നടത്തും. ഇന്ന് (ചൊവ്വ) ഉച്ചകഴിഞ്ഞ് 3ന് പാലാ അരുണാപുരം പി.ഡബ്ല്യു.ഡി ഗസ്റ്റ് ഹൗസിലാണ് വാർത്താസമ്മേളനം. കോട്ടയം ജില്ലാ കോൺഗ്രസ് കമ്മിറ്റി (DCC) പ്രസിഡന്റ് നാട്ടകം സുരേഷാണ് വാർത്താസമ്മേളനം വിളിച്ചിരിക്കുന്നത്. ഫ്രാൻസിസ് ജോർജ് എം.പി ഉൾപ്പെടെയുള്ള ജില്ലയിലെ യു.ഡി.എഫ്, കോൺഗ്രസ് നേതാക്കൾ വാർത്താസമ്മേളനത്തിൽ പങ്കെടുക്കും. ഡി.സി.സി പ്രസിഡന്റ് നാട്ടകം സുരേഷ് നൽകിയ വിപ്പ് ലംഘിച്ച് പാലാ നഗരസഭ ചെയർപേഴ്സണെതിരായ എൽ.ഡി.എഫ് കൊണ്ടുവന്ന അവിശ്വാസ പ്രമേയത്തെ പിന്തുണച്ച…

പാലാ: മീനച്ചില്‍ ഹെറിറ്റേജ് കള്‍ച്ചറല്‍ സൊസൈറ്റിയുടെ ആഭിമുഖ്യത്തില്‍ ഓണാഘോഷങ്ങള്‍ തുടങ്ങി. ആഘോഷങ്ങളുടെ ഭാഗമായി പായസമേളയും വിവിധ മത്സരങ്ങളും തുടങ്ങി. 17-ാമത് വര്‍ഷമാണ് പായസമേള സംഘടിപ്പിച്ചിരിക്കുന്നത്. പാലാ കുരിശുപള്ളി ജംഗ്ഷനില്‍ ഒരുക്കിയിരിക്കുന്ന പ്രത്യേക പന്തലില്‍ പായസമേള പ്രമുഖ സാമൂഹ്യപ്രവര്‍ത്തക നിഷാ ജോസ് കെ. മാണി ഉദ്ഘാടനം ചെയ്തു. സൊസൈറ്റി പ്രസിഡന്റ് അഡ്വ. സന്തോഷ് കെ. മണര്‍കാട് അദ്ധ്യക്ഷത വഹിച്ചു. വിവിധ മത്സരത്തിനും തുടക്കം കുറിച്ചു. ആദ്യവില്‍പ്പന സിബി കുറ്റിയാങ്കല്‍ നിര്‍വ്വഹിച്ചു. ഉദ്ഘാടന ദിവസമായ ഇന്ന് 5 തരം പായസം…

പാലാ: രാജ്യത്തിന്റെ ഐക്യവും അഖണ്ഡതയും കാത്തുസൂക്ഷിച്ച് ജനാധിപത്യ മൂല്യങ്ങൾ ഉയർത്തിപ്പിടിച്ചുകൊണ്ട് കൂടുതൽ ശക്തവും വികസിതവുമായ ഇന്ത്യ കെട്ടിപ്പടുക്കണമെന്ന് മന്ത്രി മോൻസ് ജോസഫ് ആഹ്വാനം ചെയ്തു. മഹാത്മാഗാന്ധി നാഷണൽ ഫൗണ്ടേഷൻ മൂന്നാനി ഗാന്ധിസ്ക്വയറിൽ സംഘടിപ്പിച്ച സ്വാതന്ത്ര്യദിനാഘോഷം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അനേകം ദേശസ്നേഹികളുടെ ത്യാഗത്തിന്റെയും പോരാട്ടത്തിന്റെയും ഫലമായാണ് രാജ്യം സ്വാതന്ത്ര്യം നേടിയതെന്ന് മന്ത്രി പറഞ്ഞു. സ്വാതന്ത്ര്യസമര സേനാനികളുടെ ത്യാഗസ്മരണകൾ പുതുതലമുറയ്ക്ക് പകർന്നുനൽകുകയും സ്വാതന്ത്ര്യത്തിന്റെ മൂല്യങ്ങൾ സംരക്ഷിക്കുകയും ചെയ്യേണ്ടത് ഓരോ പൗരന്റെയും ഉത്തരവാദിത്വമാണ്. ജാതി, മതം, ഭാഷ, രാഷ്ട്രീയം…

മരിയസദനത്തിലെ അന്തേവാസികളോടൊപ്പം ഇന്ത്യയുടെ 80-ാം സ്വാതന്ത്ര്യദിനവും പരിശുദ്ധ കന്യകാമറിയത്തിന്റെ സ്വർഗ്ഗാരോപണ തിരുനാളും സംയുക്തമായി ആചരിച്ചു. മരിയസദനത്തിൽ സംഘടിപ്പിച്ച ചടങ്ങിൽ സ്വാതന്ത്ര്യത്തിന്റെ മഹത്വവും പരിശുദ്ധ മാതാവിന്റെ ജീവിതസന്ദേശവും അനുസ്മരിച്ചു. ചടങ്ങിൽ ശ്രീ. ജോസ് കെ. മാണി എം.പി. ദേശീയപതാക ഉയർത്തുകയും പരിശുദ്ധ മാതാവിന് പുഷ്പാർച്ചന നടത്തുകയും ചെയ്തു. രാജ്യത്തിന്റെ സ്വാതന്ത്ര്യത്തിനായി ത്യാഗം ചെയ്ത ധീരദേശാഭിമാനികളെ നന്ദിയോടെ അനുസ്മരിക്കുകയും അവരുടെ ത്യാഗങ്ങളാണ് ഇന്ന് നാം അനുഭവിക്കുന്ന സ്വാതന്ത്ര്യത്തിന്റെ അടിത്തറയെന്നും ചടങ്ങിൽ ഓർമ്മിപ്പിച്ചു. സ്വാതന്ത്ര്യം എന്നത് അടിമത്തത്തിൽ നിന്നുള്ള മോചനം മാത്രമല്ലെന്നും…

പാലാ: വേൾഡ് മലയാളി കൗൺസിൽ പാലാ ചാപ്റ്ററിന്റെ നേതൃത്വത്തിൽ സ്വാതന്ത്ര്യദിനാഘോഷം സംഘടിപ്പിച്ചു. ചാപ്റ്റർ ചെയർമാൻ അഡ്വ. സന്തോഷ് മണർകാട്ട് ദേശീയപതാക ഉയർത്തി. അബ്ദുല്ലാഖാൻ സ്വാതന്ത്ര്യദിന സന്ദേശം നൽകി. ബെന്നി മൈലാടൂർ, ഉണ്ണി കുളപ്പുറം, മോനാച്ചൻ ആതുകുഴി, ജോർജ് വലിയപറമ്പിൽ, വിജി രവി, ജോസ് തെങ്ങുംപള്ളി, അനിൽകുമാർ, മനോജ് എം.ജെ., ഹരി എന്നിവർ സംസാരിച്ചു.