പാലാ ആറ്റിൽ നഷ്ടപ്പെട്ട നാല് ലക്ഷം രൂപ വിലമതിക്കുന്ന സ്വർണമാലയും ലോക്കറ്റും ഒരു മണിക്കൂറിനകം കണ്ടെത്തി; ടീം എമർജൻസിക്ക് അഭിനന്ദനം
(916)
1 Gram
(916)
8 Gram
1 Gram
പാലാ: ചെത്തിമറ്റം തൃക്കയിൽ ആറാട്ടുകടവിൽ കുളിക്കാൻ ഇറങ്ങിയ രോഹിണി നിവാസിലെ കെ. ഗോപിയുടെ ഭാര്യയുടെ മൂന്നര പവൻ സ്വർണമാലയും അരപ്പവൻ ലോക്കറ്റും ആറ്റിൽ നഷ്ടപ്പെട്ടു.
സംഭവമറിഞ്ഞ ഉടൻ തന്നെ വീട്ടുകാർ വാർഡ് കൗൺസിലർ ടോണി തൈപ്പറമ്പനെ വിവരം അറിയിച്ചു. തുടർന്ന് ടോണി തൈപ്പറമ്പൻ ടീം എമർജൻസിയുടെ ക്യാപ്റ്റൻ അഷറഫിനെയും പൊതുപ്രവർത്തകനായ മനോജ് പാലാക്കാരനെയും ബന്ധപ്പെടുകയായിരുന്നു.
തുടർന്ന് ടീം എമർജൻസിയുടെ അംഗങ്ങൾ തൃക്കയിൽ ആറാട്ടുകടവിൽ ഏകദേശം മൂന്നടി താഴ്ചയുള്ള വെള്ളത്തിൽ തിരച്ചിൽ നടത്തി. ഒരു മണിക്കൂറോളം നീണ്ട തിരച്ചിലിനൊടുവിൽ ഏകദേശം നാല് ലക്ഷം രൂപ വിലമതിക്കുന്ന സ്വർണമാലയും ലോക്കറ്റും കണ്ടെത്തി ഉടമയ്ക്ക് കൈമാറി.
സമയോചിതമായി ഇടപെട്ട വാർഡ് കൗൺസിലർ ടോണി തൈപ്പറമ്പനെയും, രക്ഷാപ്രവർത്തനത്തിന് നേതൃത്വം നൽകിയ ടീം എമർജൻസിയുടെ ക്യാപ്റ്റൻ അഷറഫിനെയും, പൊതുപ്രവർത്തകൻ മനോജ് പാലാക്കാരനെയും നാട്ടുകാർ അഭിനന്ദിച്ചു.
ടീം എമർജൻസിയുടെ സേവന പ്രവർത്തനങ്ങൾക്ക് എല്ലാവിധ ആശംസകളും പിന്തുണയും വാർഡ് കൗൺസിലർ ടോണി തൈപ്പറമ്പൻ അറിയിച്ചു.
Latest News
