ആലുപിലാവ് –വെള്ളാനി PMGSY റോഡിൽ മണ്ണും കല്ലും ഇടിഞ്ഞുവീണ് ഗതാഗതം തടസ്സപ്പെട്ടു; അധികൃതരുടെ അനാസ്ഥയെന്ന് പരാതി
(916)
1 Gram
(916)
8 Gram
1 Gram
തലനാട്: ആലുപിലാവ് –വെള്ളാനി PMGSY റോഡിലെ പുന്നശ്ശേരി ഭാഗത്ത് വൻതോതിൽ മണ്ണും കല്ലും ഇടിഞ്ഞുവീണ് ഗതാഗതം തടസ്സപ്പെട്ടതായി പരാതി. റോഡിൽ കുന്നുകൂടിക്കിടക്കുന്ന മണ്ണും പാറക്കല്ലുകളും കാരണം ഇതുവഴിയുള്ള വാഹനഗതാഗതം ദുഷ്കരമായിരിക്കുകയാണ്. കാൽനടയാത്ര പോലും അപകടഭീഷണി നിറഞ്ഞ സാഹചര്യമാണ് നിലവിലുള്ളത്.
ദിവസേന ജോലിക്ക് പോകുന്ന സ്ത്രീകൾ, വിദ്യാർത്ഥികൾ, രോഗികൾ ഉൾപ്പെടെയുള്ള യാത്രക്കാരാണ് ഏറ്റവും കൂടുതൽ ദുരിതമനുഭവിക്കുന്നതെന്ന് പ്രദേശവാസികൾ പറയുന്നു. മഴ തുടരുന്ന സാഹചര്യത്തിൽ കൂടുതൽ മണ്ണിടിച്ചിലുണ്ടാകാനുള്ള സാധ്യതയും നാട്ടുകാർ ചൂണ്ടിക്കാട്ടുന്നു.
റോഡിലെ തടസ്സം അടിയന്തരമായി നീക്കി ഗതാഗതം പുനഃസ്ഥാപിക്കണമെന്ന് പഞ്ചായത്ത് ഭരണസമിതി ബന്ധപ്പെട്ട അധികൃതരോട് ആവശ്യപ്പെട്ടിരുന്നുവെങ്കിലും ഇതുവരെ നടപടിയൊന്നും സ്വീകരിച്ചിട്ടില്ലെന്ന് ആരോപണമുണ്ട്.
പ്രശ്നത്തിന് ഉടൻ പരിഹാരം കാണാത്ത പക്ഷം ശക്തമായ സമരപരിപാടികളുമായി മുന്നോട്ടുപോകുമെന്ന് കേരള കോൺഗ്രസ് (എം) തലനാട് മണ്ഡലം കമ്മിറ്റി അറിയിച്ചു.
മണ്ഡലം പ്രസിഡന്റ് സലിം യാക്കിരിയിൽ, വാർഡ് മെമ്പർ റാണി മാത്യു, വാർഡ് പ്രസിഡന്റ് മാത്യു കുര്യാക്കോസ് തേനംമ്മാക്കൽ, സണ്ണി വലിയപറമ്പിൽ, സ്കറിയ കാവുംപുറത്ത്, സാലു കെ. ഇ, ജോസഫ് കോട്ടിരിക്കൽ, ജിൻസൺ വാണിയപ്പുരയിൽ എന്നിവർ പ്രസ്താവനയിൽ പങ്കെടുത്തു.
Latest News
